SeleksyonNasyonal

Gras ak Adjani Mondestin nan dezyèm minit epi Nya Jean-Baptiste nan 84èm minit, jèn Grenadye yo fè yon viktwa pou sove lonè nan konpetisyon an. Ayiti fini twazyèm nan gwoup li an dèyè do Etazini ak Pòtoriko ki fini meyè dezyèm.

Aprè yon premye faz ekstraòdinè, jèn Grenadye yo pa t rive reponn fas advèsè li yo ki pa t piti ditou. Seleksyon ayisyèn lan te fè 4 viktwa nan 4 match li te jwe yo.

Avèk yon efektif ki pa t konplè akoz 5 jwez ekip lan ki te bloke an Ayiti, Frenoy Baptiste pa t kapab fè mirak avèk ekip lan ki pa t menm genyen rès estaf teknik lan ki te egalman bloke an Ayiti.

N ap raple, seleksyon ayisyèn U-17 lan te pèdi premye match lan 3-1 fas Pòtoriko, avan l te pral pran yon koreksyon kont Etazini 9-0. CONCACAF lan pral genyen 4 ekip pou reprezante l nan Mondyal lan k ap fèt nan peyi Mawòk pou fen lane an.

KÒMANTÈ

Dènye atik yo