Ekspatriye

Nan okazyon 26èm jounen dezyèm divizyon an nan peyi Pòtigal, Leverton Pierre pase tout match lan sou ban yon lòt fwa ankò. Yon sitiyasyon ki mete gwo pwen entèwogasyon sou prezans li nan seleksyon ayisyèn lan pou Mondyal 2026 lan.

Nan match sa Vizela FC genyen Lusitania Lourosa (4-3) jodi dimanch lan, Grenadye an te sèlman kapab kontante l ak prezans li nan lis 18 jwè ki te konvoke yo pou jounen sa. Sou 4 dènye match Vizela FC yo, Leverton jwe apèn kèk segond nan yon match, sa ki montre li pa rantre nan plan antrenè an.

Sou tout sezon an nan chanpyona dezyèm divizyon Pòtigal lan, mitan tèren ayisyen an jwe sèlman 134 minit daprè Sofa Score. Leverton patisipe nan 9 match, san l pa janm rive titilè nan pyès nan yo.

N ap raple, Sébastien Migné ki se antrenè seleksyon nasyonal lan gen pou sòti madi 17 mas k ap vini la lis jwè li konvoke pou 2 pwochen match amikal Grenadye yo ap gen pou jwe nan peyi Kanada kont Islann ak Tinizi.

KÒMANTÈ

Dènye atik yo