PremyeDivizyon

Gras ak Kelly Clergé ki make grenn gòl match lan nan 68èm minit, Vye Tig yo kenbe twòn lan nan gwoup Sid lan epi valide tikè l pou final chanpyona nasyonal premye divizyon an.

Aprè yon bon pakou nan premye faz konpetisyon an, jwè Rony Attimy yo refè l ankò nan pleyòf lan kote yo asire yo y ap fini premye nan gwoup Sid lan avan menm dènye jounen an.

Aprè 5 jounen, Violette AC lidè gwoup Sid lan avèk 11 pwen, devan Juventus, Cavaly ak Racing Club Haïtien.

N ap note, Vye Tig yo pral gen pou jwe kont ekip k ap fini premye gwoup Nò an ki genyen nan tèt li Racing des Gonaïves, ki genyen ASC jodi mèkredi an 3-1, avèk atakan vedèt yo an, Stanley Claudeson Céus, ki fè youn nan gòl yo.

KÒMANTÈ

Dènye atik yo