PremyeDivizyon

Association Sportive Capoise sòti vivan nan 4èm jounen Pleyòf la gras ak mitan tèren yo a Marc Helor Alcenat (#13) ki make gòl egalizasyon an kont Baltimore nan 90èm minit.

Mitan an te fini nan avantaj vye kòk kapwa yo 1-0. Nan dezyèm mitan an, kannòt ASC ta pral panche. Ekip 4×4 la egalize nan 53èm minit gras ak Stravensky Dupiton. James Morisset potko ka konprann vitès bwaron ekip Baltimore SC a. ASC ta pral pran yon dezyèm gòl nan 72èm minit sou pye Alexandre Rempart.

4×4 la te sòti pou pase sou vye kòk la. Nan 90èm minit ak yon espant, vye kòk la pral pran yon dènye fòs epi pèse kawoutchou 4×4 la ak yon kout zepon. Kout zepon sila a te tèlman file, li pèse 2 kawoutchou dèyè 4×4 la pou pèmèt ASC sove match nil lan.

Reyalizasyon kout zepon dènye lè sa a se te Marc Helor Alcenat. Match nil sa pa chanje anyen nan klasman an pou 2 ekip yo. ASC toujou nan 3èm plas la ak 5 pwen pandan Baltimore SC li menm toujou nan bon dènye plas la ak 4 pwen.

KÒMANTÈ

Dènye atik yo