Ekspatriye

Nan premye jounen pleyòf yo, Salcedo FC te genten yon kòmansman difisil. Klèb la te tonbe (2-0) kont Moca FC, yon defèt ki te mete presyon sou ekip la depi nan kòmansman dezyèm faz la.

Men, reyaksyon an pa t pran tan. Nan dezyèm jounen an, Salcedo FC te deplase nan Estadio Panamericano pou al fè fas ak O&M FC. Nan yon match chofe anpil, Salcedo FC ranpòte viktwa a (2-3), gras ak yon gòl kapital Jamesley Daniel make nan 90+1’. Gòl sa a pa t sèlman bay twa pwen yo, li te ofri tou premye viktwa Salcedo FC nan 2èm faz sezon an.

Ayè samdi 25 janvye a, pou twazyèm jounen an, Salcedo FC te gen yon gwo defi devan li nan Estadio Cibao, kont chanpyon an tit yo. Nan yon rankont byen anime, de (2) ekip yo separe sou yon match nil (2-2). Yon fwa ankò, Jamesley Daniel te jwenn chimen gòl la e konfime fòm eksepsyonèl li ak enpòtans li nan sistèm jwèt Salcedo FC a.

Avèk gòl desizif sa yo, Jamesley Daniel ap kontinye pote Salcedo FC sou zepòl li nan pleyòf yo. Si rit sa a kenbe menm jan ak premye pati sezon an, atakan an kapab fini pi bon bitè sezon 2025-2026 la, pandan Salcedo FC ap chèche ale pi lwen posib nan konpetisyon an.

KÒMANTÈ

Dènye atik yo