Ekspatriye

Nan okazyon 28èm jounen Ligue 1 an, defansè entènasyonal ayisyen an ki se yon titilè endiskitab nan ekip Angers an blese nan match sa li t ap jwe jodi samdi an fas ekip OGC Nice lan.

Arcus Carlens te sòti nan 21èm minit pou Emmanuel Biumla te kapab ranplase l. Yon sitiyasyon ki pa san konsekans avèk Angers SCO ki pèdi lakay li 2-0 fas OGC Nice.

Daprè yon kominike Federasyon ayisyèn foutbòl pibliye jodi samdi an, Sébastien Migné ap gen pou anonse lis li an madi 17 mas k ap vini la. Si responsab FHF yo te anonse ap gen gwo sipriz, blese Arcus Carlens lan rive nan moman seleksyon an ap eseye ranfòse l ak nouvo jwè.

Defansè Angers an se youn nan jwè ayisyen ki pi regilye depi kòmansman sezon an. Nan Ligue 1 an, Grenadye an jwe 24 match, tout kòm titilè.

KÒMANTÈ

Dènye atik yo