Ekspatriye

Toronto te angaje nan yon match ki te vire nan yon veritab batay ofansif, ak 8 gòl ki make pandan rankont lan. Etienne Jr., ki pa t fè pati onz jwè ki te kòmanse rankont lan, te oblije tann dènye pati match la pou l antre sou teren an.

Grenadye a te rantre nan 79èm minit, nan yon moman kote Toronto te bezwen plis prezans nan faz ofansif yo. Ayisyen an pa t pèdi tan pou l mete enpak li sou rankont lan. Nan 90+2 , li jwenn chimen gòl la pou l retabli egalite a epi evite Toronto kite teren an san okenn pwen.

Gòl sa pran tout sans li nan kontèks match la. Toronto te rive nan dènye moman yo anba presyon, men Etienne Jr. jwenn resous pou l mete ekip li tounen nan kous la. Nan sèlman kèk minit sou teren an, entènasyonal ayisyen an vin youn nan jwè ki make match la plis.

Pou Toronto FC, match nil sa pèmèt ekip la pran yon pwen nan yon rankont ki t ap glise nan men li. Pou Etienne Jr., li konfime yon fwa ankò kapasite li genyen pou l pote solisyon menm lè li pa kòmanse yon match.

KÒMANTÈ

Dènye atik yo