Mondyal

Pandan Mondyal 2026 la ap pwoche, kesyon patisipasyon seleksyon Iran an ap fè anpil pale anpil. Menmsi Etazini, youn nan peyi ki pral òganize tounwa a, fè konnen ekip la toujou ka vini jwe, pozisyon Iran parèt klè: yo pa dispoze patisipe.

Daprè minis espò peyi a, Ahmad Donyamali, sitiyasyon politik ak militè peyi a pa pèmèt yo antre nan yon konpetisyon tankou Mondyal la. Li akize gouvènman Etazini an epi li fè konnen peyi li ap travèse yon moman trè difisil aprè plizyè mwa lagè ak anpil viktim.

Deklarasyon sa yo vini pandan prezidan FIFA a, Gianni Infantino, te fè konnen lidè ameriken an Donald Trump pa gen okenn pwoblèm pou Iran vini jwe Mondyal la sou tèritwa ameriken an.

Malgre ouvèti sa bò kote Etazini, responsab iranyen yo kwè peyi a pa nan kondisyon pou patisipe nan yon gwo evènman espòtif pandan li ap fè fas ak konsekans lagè yo.

Sitiyasyon sa fè anpil moun ap poze kesyon sou sa ki ka rive nan pwochen mwa yo. Men pou kounye a, mesaj ki soti bò kote otorite Iran yo klè: patisipasyon peyi a nan Mondyal 2026 la pa nan plan yo.

KÒMANTÈ

Dènye atik yo