Championship

Nan dezyèm divizyon chanpyona anglè a yon gwo evènman pase. Klèb Southampton lan ki konsène nan baraj pou monte nan premye divizyon finalman p ap monte akoz yon aksyon koken.

Chanpyona sila a ki toujou gen yon faz pleyòf pou detèmine twazyèm ekip k ap kalifye pou monte nan premye divizyon an, toujou fèt sou yon seyans 3 match. Yo kòmanse nan demifinal ak final. Nan demifinal pleyòf la ane sa a Southampton te gen randevou kont klèb Middlesbrough la.

Dirijan yo kenbe yon manm estaf klèb Southampton lan k ap filme antrènman klèb Middlesbrough la. Yon aksyon dirijan chanpyona a jije trè di. Yo tou mete klèb Southampton lan deyò nan pleyòf la epi yo penalize l 4 pwen sou pwochen sezon 2026-2027 la.

Aprè aksyon sa a Middlesbrough tou tonbe dirèk nan final pleyòf la kont Hull City.

KÒMANTÈ

Dènye atik yo