Mondyal

Koup Dimond lan ap rapwoche sou nou. Pandan gen seleksyon ki fè retrè (Iran), FIFA li menm ap kontinye jwe kat li pou evènman sila ka pase byen. Pou sa rive, FIFA anonse plizyè modifikasyon ak nouvo règ ki pral gen pou aplike nan moman match yo nan Mondyal la.

Premye règ FIFA modifye se sou kantite tan yon jwè dwe kite tèren an lè yon ekip ap fè chanjman. Nan modifikasyon an yo fè konnen, Jwè ki ap sòti a gen selman 10 segonn pou l kite tèren an. Si l fè plis tan pase sa, jwè ki ap antre a ap fè yon minit deyò tèren an. Modifikasyon sila se pou anpeche jwè yo boule lè nan match yo.

Lòt modifikasyon ki enpòtan ankò. Lè balon an sòti, swa sou yon touch oubyen deyò, jwè oubyen gadyen an gen sèlman 5 segonn pou redemare jwèt la. Sinon abit la ap bay ekip advès la avantaj la. Yon lòt bò jwè ki frape epi ki merite swen yo dwe desann tèren an. Yo dwe al pran swen deyò tèren an.

Lòt nouvo règ FIFA mete a se pou VAR la. Apati mondyal 2026 la, VAR la ap otorize pou entèvni nan desizyon dezyèm katon jòn yo ak sou kònè yo si abit la ta fè erè.

KÒMANTÈ

Dènye atik yo