SeleksyonNasyonal

Resepsyon an se Ministè Jenès, Espò ak Aksyon Sivik (MJSAC) ki te òganize l, sou enstriksyon minis Pythagore Dumas. Se Direktè Depatmantal ministè Espò a nan Nò a, Gamael Sonceau, ki te resevwa jwè a ansanm ak fanmi li lè yo te rive nan vil la. Direktè depatmantal Touris la, Lumas Pierrot, te patisipe tou nan seremoni an.

Nan okazyon an, Frantzdy Pierrot te resevwa yon plak lonè kòm siy rekonesans pou efò ak sèvis li rann seleksyon nasyonal la. Pou responsab yo, se yon fason pou mete an valè atlèt ki fè drapo ayisyen an briye sou plan entènasyonal.

Aprè seremoni an, jwè a te rankontre ak laprès nan Meri Okap la. Li te fè yon bilan sou eksperyans li pandan Koup Dimond lan, li te pale sou fyète li genyen pou reprezante Ayiti, epi li te voye yon mesaj ankourajman bay jèn ki reve swiv menm chemen an.

Atravè inisyativ sa, MJSAC fè konnen li vle kontinye rekonèt atlèt ki pote glwa pou peyi a, pandan li reyafime volonte li pou sipòte devlopman espò a ak ankouraje jenès ayisyèn nan.

KÒMANTÈ

Dènye atik yo