Ekspatriye

Sou rezo sosyal yo, Inter Milan anonse siyati Brittany Raphino ki rejwenn klèb lan nan yon kontra pou 4 pwochen sezon yo. Atakan ayisyèn 25 lane a pa t kache kontantman l pou rejwenn klèb italyen an ki se yon referans nan Serie A a.

Aprè yon eksperyans nan Sporting Club ki te chaje bon ak move moman, Brittany Raphino pati pou yon nouvèl eksperyans pwofesyonèl kote l pral ranfòse atak Inter Milan an ki pral kapab goumen nan Lig Chanpyon feminen an sezon k ap vini an.

Brittany Raphino se yon jwez ki fèt nan dat 30 oktòb 2000, nan peyi Etazini, avèk papa l ki fèt an Ayiti. Pandan ane 2026 la, li chwazi reprezante Ayiti sou sèn entènasyonal la kote l te resevwa premye konvokasyon l nan mwa avril ki sot pase an.

N ap raple, sezon ki sot pase a, Inter Milan te fini dezyèm nan Serie A feminen an, sa ki ba l dwa jwe Lig Chanpyon sezon k ap vini an. Aprè Melchie Dumornay, Brittany Raphino se pral yon lòt jwez ayisyèn k ap gen pou jwe pi gwo konpetisyon klèb sou kontinan ewopeyen an.

KÒMANTÈ

Dènye atik yo