PremyeDivizyon

Nouvo twofe sa “Chanpyon tout Chanpyon yo" (Champion des Champions) se youn nan pi gwo anons LHF fè pou sezon 2025-2026 la. Twofe sa ap fèt pou mete chanpyona a nan yon estanda pi pwofesyonèl, pandan li kreye yon fen sezon ki pi atiran pou piblik la ak pou ekip yo tou.

Match espesyal sa a, ki ap fèt yon sèl fwa chak sezon ap mete fas pou fas Chanpyon Seri Ouvèti a ak Chanpyon Seri Kloti a. Ekip ki soti genyen rankont sa a ap pran tit chanpyon sezon an, epi ap vin reprezantan Ayiti pou Caribbean Cup la.

Kontni match la depase yon senp match. Li gen yon wòl kle nan fason peyi a chwazi ekip li pou konpetisyon rejyonal yo. Nan ka kote yon sèl ekip ta ranpòte tou de (2) seri yo, li otomatikman vin Chanpyon tout Chanpyon san jwe match.

Avèk entegrasyon nouvo twofe sa a, LHF chèche ogmante motivasyon nan klèb yo, ranfòse konpetisyon an, epi kreye yon evènman ki kapab vin yon gwo rasanbleman chak lane. Piblik la, sitou, jwenn yon final plis atiran, pandan ekip yo jwenn yon objektif anplis nan sezon an.

KÒMANTÈ

Dènye atik yo